බ්ලොග් ලොව මහා වාද බයිලා සංදර්ශණය ලංකාවේ වේලාවෙන් උදෙසන 10.30 ඇරඹේ. රැඳී සිටින්න අප සමගම!

ඔව් එය ඇරඹුනා.....බයිලා මඩුවට මෙතනින් යන්න

http://bayilamaduwa.wordpress.com/

බ්ලොග් ලොව එකළු කරන මහා වාද බයිලා  සංදර්ශණය එළඹෙන 30 වැනි දින, එනම් බදාදා උදේ දහයේ සිට සවස් වන තුරු බ්ලොග් ලොව බයිලා චක්‍රවර්තී ගරු මාතලන් මැතිඳුන්ගේ ප්‍රධානත්වයෙන් උපශාන්තගේ බයිලා මඩුවේදී පැවැත්වේ.       
       
බ්ලොග් ලොව නමගිය බයිලා කාරයන් වන අරූ, තෙලිදිය, පත්තරේ ඇතුළු විශාල පිරිසකගෙ සහභාගීත්වයෙන් පැවැත්වෙන මෙම විශේෂ අවස්තාවට සහභාගි වන ලෙස ඔබටත් ගෞරවයෙන් ආරාධනය කරමු.       
       
සංදර්ශණය වෙනත් අඩවියක වන අතර එහි යන මග එදින උදෑසන මෙම අඩවියෙහි සඳහන් වනු ඇත.       
       
තරඟ කොන්දේසි.       
       
1. මෙය විවෘත තරඟයකි, වයස් හෝ ප්‍රොෆයිල් සීමාවක් නැත.   

2. මාතෘකා දෙකක් සඳහා වාද කෙරෙනු ඇත. බයිලා කියන්නන් හට අදාල මාතෘකාවට අනුව කියන ලෙසත් වෙනත් වැල් බයිලා ගසන විට ඒවා මකා දැමීමටත් සිදුවෙන බව සලකන්න       
   
3. සහභාගි වන්න උපහාසයෙන් පිරි බයිලා පිළිතුරු විඳ ගන්නේයයි අපේක්ෂා කරන අතර තරඟ කරුවන්ගෙ බ්ලොග් ක්‍රියාකාරිත්වයට එපිටින් ඇති පුද්ගලික දිවිය අලලා කරන අපහාස ඉවත්කරනු ලැබේ. එමෙන්ම එවැනි බයිලා ගසන්නන්ගේ කිසිම බයිලාවක් ඉන්පසු පල නොකෙරීමටද ඉඩ ඇත.    

4. තාලය; කපිරිඥ්ඥා තාලය මූලික වන අතර වෙනත් තාලයන්ගෙන්ද කිව හැක.
       
මාතෘකා ඔබෙන්;

මෙම වාදයන් සඳහා ඔබ විසින් ඉදිරිපත් කෙරෙන රසවත් මාතෘකා සියල්ල සලකා බලා ගරු බයිලා චක්‍රවර්තී මාතලන් තුමන්ගේද අනුමැතිය යටතේ එදිනට වඩා සුදුසු ටොපියක්, සමාවෙන්න ටොපිකයක් දෙනු ලැබේ.

ඉතින් 30 වෙනිදා හමුවෙන තුරු පෙර පැවති මේ රසවත් බයිලා සාදයෙන් මදක් රස බලන්න.