Monday, January 30, 2012

බ්ලොග් නිසා මරාගමුද, මැරෙමුද, මරාගෙන මැරෙමුද?




කබලේ රස්නෙ පිට නොලියා ටිකක් යන්නට දී මෙය ලියන්නට හේතු ඇත. පළවෙනියෙන්ම මගේ සති අන්ත නිවාඩුව බ්ලොග් කෙරුවාවට යට නොකර පොඩි උන් දෙන්නා හා දේවී සමග ගත කිරීම වටිනා නිසාය. දෙවැන්න වෙරි මතින් සිටින්නවුන්ට, තරහින් පිපිරෙමින් ඉන්නවුන්ට හා බොග තදවී වැසිකිළි සොයන්නන්ට යන තුන් වර්ගයට යමක් කීමට ඒ තත්වයෙන් අත්මිදෙන තෙක් බලා සිටිය යුතු බැවිනි.

ලිංගිකත්වය වල්ලටද මල්ලටද ( මල්ල යනු හදවතයි ) යන මාතෘකාවෙන් පටන්ගෙන අභියාගේ හනුමාන් ඔප් එක හරහා මා කාන්තාවන්ට කල මහා තර්ජනය අවසන කාන්තා බ්ලොග් අඩවි දෙකක් වැසී ගොසිනි. බොහෝ අය හිත් රිදවාගෙනය, සමහරු තරහවී ඇත. එකියක් දිවි නහගන්නා බවටද තර්ජනය කර ඇත.

මෙය මාර කෙළියකි. බ්ලොග් යනු ජීවිතය නොවේ. ජීවිතය යනු බ්ලොග්ද නොවේ! දුකාට අනුව දුමී බ්ලොග් ලියන්නෙ ස්ට්‍රෙස් එක නැතුව යාමටය. උගේ කෙසේ වෙතත් ඒ ලියවිලි නිසා අපේ ස්ට්‍රෙස් එක නැතිවෙ. කතන්දරගේ කතන්දර තෝරාගැනීමම මාර් ස්ට්‍රෙස් වැඩකි. මඩ නැත්තන් අභියාගේ ද නයෙක් නැත්තං රංගගේ ද බ්ලොග් වල මෙලෝ රහක් නැත.ඒ අස්සේ පූසන්ට නොව මීයන්ට කවි ලියනා මහත්වරුන්ය.

මේ කිසිවෙකුත් තම ජීවිකාව හෝ පරම සුවය නිසා නොලියයි. ඔවුනට එය ජීවිතයේ විනෝදයට කරනු ලබන දේවලින් එකක් පමණි.

මගේ බ්ලොගය මට වැඩ අඩු වේලාවන් හි කාලය කා දැමීමට යොදා ගන්නා උපක්‍රමයකි. වැඩ අම්බානකට ඇතිනම් බ්ලොග්ද නැත, කමෙන්ට්ද නැත. මේ නිසා මට හෝ මා දන්න තරමින් ඉහත සඳහන් අයද ඇතුළු තවත් බහුතර බ්ලොග් කරුවන් කමෙන්ට් සහ ලිපි වලට එවැනිම මාධ්‍යන්ගෙන් පිළිතුරු දෙනව මිස කිසිවක් සීරියස් ගන්නා බවක් නොපෙනේ.

නමුත් කැරපොත්තා මරන්නටත් යුධ ටැංකි ඕඩර් කරන ගෑණු ළමයි ඔහොම තමා කියා සිත හදා ගත නොහැක. මන්ද මුන් ඇත්තටම දිවිනසාගතහොත් අපට වෙන පුද්ගලික අවාසියක් නැති වුනද කතාවට කියන්න සේ "ගැරඬි මරා පව් පුර්වාගතයුතු නැති” නිසාවෙනි

මා බ්ලොග් කියවීමට ආ මුල් දිවල ( මගේ අටමගලේ අටවාගන්නට පෙර නොහොත් කකාට පොර සීයලා ගැන ලියූ කාලයේ ) මේ බ්ලොග් අවකාශයේ සිටින ඉතාම දක්ෂ රචකයකු වන දුකාට ඔහු ලියනා ලිපි සුජීව ගේ නවකතා වගේ යැයි කීම නිසා පොඩි වාදයක් ගිය අතර එයින් කල අවිඥානික හෝ සවිඥ්ඥානික බලපෑම නිසා ඉන් මත්තට මා දුකාගෙන් එවැනි ගනයේ ලිපි නොදැක්කෙමි. මා කියු දෙයට දුකාගෙ හිත රිදුනාද විය හැක. එහෙත් විවෙචනය විවෙචනයක් ලෙස බාරගෙන ඒ කතා එතැනින් තබා අප අදද මිතුරන්ව සිටිමු. මූණිච්චාවට මිතුරකු ලෙස නොව දුකා විසින් මෙහි එවන් සටහනක් තබන්නට තරම් ලෙංගතු වී ඇත්තේ සහ මගේ මූණු පොතේ ඉන්නා බ්ලොග් රචකයින් දෙදෙනාගෙන් එකකුද වන්නේ අප කමෙන්ට් පෞද්ගලික පහරගැසීමක් ලෙස නොව එකිනෙකා ලියන දේ ගැන පමණක් වන විවෙචනයක් ලෙස බාර ගත් බැවිනි.

කකාට උගත් පී එච් ඩී ඇති ඇනෝලා ගහන්නේ ෆ්ලයින් කික්ය. සමහර එව්වා "උඹට අචාර්ය කම නැති නිසා කියවන ගොන් කතා" යයි පුද්ගලිකව කරන අවලාදය. එහෙත් බල්ලෝ බුරත්දී කන්ද නොසැලී තවලම ඉදිරියටම ඇදෙයි.

ජීවිතය යනු විඳින්නට ලැබුන දෙයකි. එය නිසි ලෙස විඳින්නට නොදන්නවුන් විඳවනා ආකාරය ගැන කණගාටුය. බ්ලොග් මඩක් නිසා දිවි නැතිකරගන්නවා, බ්ලොග් ලෝකෙ අතෑරල දානව වැනි දේ එක පැත්තකින් තඩි හුරතල් තර්ජනයන් ලෙස හෝ අනික් පැත්තෙන් මිනිසුන් සමඟ ගැටී නැති අඩු අත්දැකීම් ඇති අයගේ කතා ලෙස පිළි ගැනීමට සිදුවේ.
බ්ලොග් නිසා මරාගත යුතුනැත. එහෙත් බ්ලොග් වල මූලික අංගය වන සහ ඕනෑම අඩවියක දියුණුවට මඟ පාදන සංවාද සහ විසංවාදයන්ගෙන් ඈත්විය යුතු නැත. එයින් ඈත්වීමෙන් ඇතිවන්නේ ආන්ඩුවේ පත්තර මෙන් පිටකසා ගැනීමේ කලාවක් මිස බ්ලොග් නම් අනන්‍ය වූ මාධ්‍ය නොවේ.

අවසානයට කිවයුත්තේ කිසිවකු පැරදී නැත. දිනන්නේද නැත. මා මාගේ අදහසද ඔබ ඔබගේ අදහසද පලකිරීමේ වේදිකාවේ විනිසුරුවන් නැත. තෑගිද නැත. නමුත් ඉඳහිට හෝ මෙවන් වාද විවාද මඩ සහ ගුටි නොමැතිනම් මේ කලාව මෙතරම් රසවත් සහ ආකර්ශණීය නොවනු ඇත.

ප්‍රොෆයිල් ඇනෝලා, නන් ප්‍රොෆයිල් ඇනෝලා සහ නමින් ලියන්නන් යන සියල්ලන්ගේම අදහස් විවෙචන එකසේ මේ කෙත සරු කරයි. කිසිවකු කිසිවකුටත් වඩා හොඳ උසස් නැත. කුණුහරුපකාරයන් කුණුහරුප කීවාට කාටවත් බබ්බු ඇතිවන්නේවත් කාගේවත් බිත්තර පුපුරන්නේවත් නැත.උන් වවන දේ කපනු ඇත්තේ උනුන්මය. එනිසා සිදුවියයුත්තේ බ්ලොග් වලට මරාගෙන හෝ නොමැරී ලිපිවලින් පමණක් හැප්පෙන වඩා ආකර්ශණීය බ්ලොග් කළාවක් කරා යාමය.

තේරුම්ගතයුතු සත්‍ය මෙයයි. කිසිවෙක් කිසිවක් පුද්ගලිකව භාර ගැනීමෙන් වන්නේ තමන්ටම පාඩුකරගැනීම පමණක් මිස අනුන්ට බලපෑමක් නම් නොවන බවය.

පින්තූරය මෙතැනින්!

Wednesday, January 25, 2012

ජනඅප්‍රිය බ්ලොග් ලියන කාන්තාවනි, තොපට කෙරෙන අවවාදයයි..! "Ladies be careful!”


මේ දිනවල සිංහල බ්ලොග් ලෝකය ලිංගිකත්වයෙන් පිස්සු වැටී ඇත. කබල රත්වෙමින් තියෙන විට මාත් රොටිය සාදාගත යුතුය. ඒ නිසා දෙඤ්ඤං බැටේ න්‍යායෙන් සැමට දන්වන වගයි!

කවුරුත් නොදන්නා නමුත් නමට උපශාන්තවූ සිංහයා විසින් සිංහල බ්ලොග් අවකාශයේ කාන්තාවන්ට අම්බානක කෙලවා ඇත.

කුළ භේදය අවුස්සා පහර පිට පහර එල්ලකල හෙයින් පොඩි කුමාරිහාමි තම අවතාරයද වෙනස් කර පොඩ්ඩි නමින් නව අඩවියකට හිමින් මාරු වෙමින් සිටී.

අනුන්ගෙන් ණයට ගත් ඇස් වෙනුවට ලස්සන කර කැපූ නිම්නයට බැස සිය උඩඟු කුළයෙන් ඈත්වූ බව කියා පෑවත් එල්ලවූ අධික පීඩනය හමුවේ පැදුරටත් නොකියා පලාගොස් ඇති බවත් මේ වන විට අඩවි දෙකේම මකුලු දැල් වළව්වේ මුර භටයා වනලී බොනික්කා විසින් පිසදමමින් සිටින බවත් වාර්ථා වේ.

එමෙන්ම දින කිහිපයක සිට මහදැනැමුත්තී අරුණි ශපීරෝට කල අවවාද යන්තම් පිළිගෙන සිංහයාගෙන් සමාව ඉල්ලා සිටි මුත් ඇය නැවතත් ජාත්‍යන්තර කුමන්ත්‍රණයකට ගොදුරුවී ඇති නිසා නැවත සමාවක් දිහැකිදැයි සොයා බැලිය යුතුය.

මේ සියල්ලට වඩා දරුණු වන්නේ මාග්‍රට් තැචර්ගේ හදවත බ්ලොගයයි.

සිංහයා විසින් භූත වෙසින් කල කමෙන්ටුවක් නිසා යකඩ උණුවී එය වසා දමා ඇතිබව අද උදේ මේලයකින් යමකු සින්හයා වෙත දන්වා ඇත!

දැන් මට මාර ආතල් වී මගේ ෆාස්ට් ට්‍රැක් ප්‍රොජෙක්ට් එකද ඉවර කරන්නට ගටක් ලැබුනි.

හෙට එය ඉවර වූ පසු ඉතිරිව ඇත්තේ, සිප් එක ඇරන් පාරේ යන නිෂූපා ෂූ, මඩවිලේ බින්ඩි සහ පැවිල්ලට වැටෙන පිණි බිඳුගේ බොලොක්ක වසා දැමීමට භූතවෙසින් යාම පමණි.

කෙල්ලනි, ප්‍රවේසම් වණු! සිංහයාගේ දත්පෙනෙන්නේ සිනහවෙන නිසා නොවේ..!

Thursday, January 12, 2012

පොඩි "පොඩි" වංචා



පුතා මේ මොකද මේ
වතුර එක බීල නැහැ

වෙලාවක් තිබ්බෙ නෑ

මොන වැඩද ඔච්චරට
ඔය පුන්චි ඉස්කෝලෙ?

කමක් නෑ අපි තාත්තෙ
බෝතලේ පෙරළලා
වතුර එක බිම හලමු

ඒ මොකද ඒ වැඩේ
කාට බොරු කරන්නද

නෑ ඊයෙ "ටී" අතින්
බෝතලේ පෙරලුනා
පස්සෙ ඇහුවම අම්ම
ඇවිල්ලා රෑ ගෙදර

"බබා අද හරි හොඳයි
වතුර සේරම බීල"

කිව්ව...


සුන්දර පුන්චි ලොකේ පුංචි පැටව් ඔන්න ඔහොමයි පස්සෙ බොරු කාරයො වෙන්නෙ.


ප/ලි

"ටී" නොහොත "ආන්ටී" යනු අපේ දරුවන් බලාගන්න ගෑණු උන්දෑය. මේ අද දවල් පුත්‍රයත් එක්ක ඉස්කෝලෙ ඉඳන් ගෙදර යද්දි වූ කතාබහකි.



ප/ප/ලි
කමෙන්ට් දාන්න බැරි අවුලක් තීනව කියල කියල ඔබා-ම කියල තිබ්බ. මොකක් වෙලාද දන්නේ නැත! අවුල ලිහන්නට හැකි කෙනෙක් උදව්වක් කලොත් ගොඩක් පින්.

ප/ප/ප ලි

කමෙන්ට් අවුල ඉවරය.!

Tuesday, January 3, 2012

සිංහබාහු ක්‍රමයෙන් නව වසරට අනාවැකි......ඉතිරි කොටස...




අද යන්තන් වැඩ අස්සෙ අනාවැකිවල ඉතුරිටික ලියාගත්ත.

මෙව්ව මේ විශ්ලෙශනය කරල සංකෝචනය කරල උන්ඩුක පුච්චෙන් හිතල අක්මාවෙන් උපදින අදහස් නිසා වෙලා යනව ටිකක් එන්න.

ඔන්න තම තමන් අයිති කොටස ගැන ලියල තීන එව්ව හිතට හරි මදිනං තායිලන්තෙ ටර්කිෂ් බාත් එකකට ටිකට් එකක් අරන්

"සිංහයා, තුනෙං දෙක, බගතලේ පාර, අඹතලේ හරහා මිහින්තලේ"

ලිපිනයට තැපැල් කරන්න. යෝගයක් කරල අපල කපල අගලට දාන්නං.

එහෙනං ඔක්කොටම ආවඩා ආයිබෝ කිව්ව!


උසස් වෘත්තිකයින්

ගෙදරට කාර් ණය මදිවට ගෙවන්න
කප්පං කාරයෝ ඇත මහ මඟ රකින්න
යන්තං ගෙවා පැන ආවත් හිඟන්න
මහ බදු යකුන් එනු ඇත තව කෙළින්න

සල්ලි නැතත් ණයට ගත්තු අරුමෝසම් බඩු
තට්ටු තුනට ණයක් දලා හදාගත්තු මඩු
ගෙව්වෙ නැතොත් චාටර් වෙන ක්‍රෙඩිට් කාර්ඩ් නඩු
කවර් එකට කුණු කැවේවි පරිස්සමින් හිටු



විදේශ සේවා වෘත්තිකයින්


බාල්දු වී ඩොලර් සල්ලි පඩි වැඩි වනු ඇත
ඉහල නගින තෙල් හින්දා ටිකටුත් වැඩි වෙත
තොටුපොලෙදි හූරං කරනා කාක්කො හරි කැත
ගොඩක් වෙලා මරං කාවි පරිස්සමින් අත

ලියන් ගොඩේ පරංගිරට ඉස්පාන්ඤ්ඤෙ පැත්තේ
ණය පිරිලා ගෙවාගන්න කිසි විදියක් නැත්තේ
අරාබියෙත් ගිණිකෙළිමයි වැඩි වෙයි තව මත්තේ
රට හිටියත් රස්සාවල විස්වාසය නැත්තේ


විපක්ශ දේශපාලකයින්

ගුටි කනවා මිස තොප හට මස් නං එනු නැත්තේ
ළඟකදි නං වැහි කඳුලක් නොවැටෙනවා ඇත්තේ
ඇල්ලූවත් බර තැනකින් ඒ පැත්තේ අත්තේ
ඵල නැතිවෙයි උන්දැලටත් එන යන මං නැත්තේ

මහ රජාගේ පන්දුවලට පාදෙ පෙරට දමා
පහර දෙන්න කෙනෙක් හැදී එනතුරු බර දමා
ඉවසාපන් පපුව කියා නොගෙන ගුස්පි දමා
හිටිය වගේ මේ වසරෙත් ඉඳින් වෙලා පමා

රජයේ දේශපාලකයින්

කරන කරන හොඳ අඳුරෙන් වැසෙන්නේ
නරක කරන උන් මයි බබලවන්නේ
අරණ හැර දමා වදුලෙම වදින්නේ
නරක කල තමයි මේ මහ රජුන්නේ

හොඳට නරක දෙකටම කට නම් වේය
වවන තල මිසක් මුං නං නොකැපේය
කරන හොඳ උනත් නරකෙන් අඩු වේය
අමතක කරන එක මුල නං සුභ නෑය

LinkWithin

Related Posts with Thumbnails