Saturday, December 31, 2011

සිංහබාහු ක්‍රමයෙන් නව වසරට අනාවැකි!


මේ දවස්වල හැමෝම ඵලාඵල හොයනවනෙ අළුත් අවුරුද්ද නිසා. මාත් මගේම විශේෂ ක්‍රමයට හදපු ඵලාඵල විස්තරයක් දාන්න හිතුව බහුජන හිතාය බහුජන සුඛාය කියල.

මෙව්ව මේ අර බෝල කළුව වගේ හීනෙන් කුණ්ඩලනී වඩලවත්, නැත්තං අහක ඉන්න තරු ගණන් කරලවත් නෙමේ නියම විද්‍යාත්මක තියරියක් වෙච්චි සිංහබාහු ක්‍රමයේ අනාවැකි.එකම වෙනස ලග්නෙට නෙමෙයි කියන්නෙ තමංගෙ තරාතිරමට.

ඔන්න එහෙනං තම තමංගෙ තරාතිරමට අනුව ඉදිරිකල කොහොමද කියල බලාගෙන යනකොට පඬුරක් කැමති ගහක ගැටගහල යන්න පුළුවන්.


පාසැල් සිසුන්

හුවමාරුවෙන් කෙළවෙන්නේ වයිමාට
ඒ කෙළවිල්ලෙ පව් එන්නේ උඹෙ කරට
නව ඇමතියා ගෙන එන හැතිකරේට
ඕනෑ විදියටයි විභාගෙ නව වසට

ස්කෝර් අවුල තව තව තවත් වැඩි වෙනවා
ස්කෝර් කරන්නට රටටම ලණු දෙනවා
ස්කෝර් නැතිව දොස්තර කොංදෝ වෙනවා
හිස් කෝර් රටෙන් පැන රටවල උගණිනවා

ව්ශ්ව විද්‍යාල සිසුන්

ඇදුරෝ සැපෙන් නොව පඩි වැඩි කර නැත්තේ
අනයද්යනයටත් තව මොකවත් නැත්තේ
මොනවා නැතත් ජෙප්පෝ ටික එළිපත්තේ
අඳුරුයි පුතේ සරසවියේ නං තත්තේ

ප්‍රයිවට් හොඳවැඩේ ගොං විදියට ඒවී
ජෙප්පන් හප්පො වී හොඳටම උඩ යාවී
ත්‍රීමා හැඩයෙ උත්තර කිම නොගෙනේවී
සිහියෙන් හිටින් නැත්තං එය යළි වේවී


කම්කරුවන්

සීපා නිසා එන සිවුපා ගාල කඩන්
රිංගා යාවි උඹලා හට තිබෙන ඉඩෙන්
විකුනා දමා කණකර සහ ඉඩන් කඩන්
දැම්මම බලව් පිටවෙන්නට ඉතිං රටෙන්

එළවළු ලාභ නැත සීල්ද ඉතා ගනන්
ගන්න්ට බඩු නොවේ වෙනදා ගන්න කඩෙන්
කබලේ ඉන්න තොප හැම දෙන ලිපට බාන්
අල්ලපු රටෙන් එනවා හොඳ ගොන්නු බාන්


ගොවියන්

වවනා එකෙන් පන්නෙට ඒ තාලේට
කිසි ඵල ඵල නැතේ අද ඇති නව ලෝකේට
ගොවියා යවා කම්කරුවගෙ කලාපෙට
කොම්පැණි නව ලොවේ එනවා සමාජෙට

පුංචි ඉඩම් එක්කරලා විසාලෙට
ගොවිපල් තනා මහ අලි ලොකු ප්‍රමාණෙට
ගොවියන් නොවේ යන්තරයෙන් නවීනෙට
ගොවි තැන දියුණු වෙනවා නව විලාසෙට


මේ ඉන්නෙ ලිස්ට් එකේ ඉතුරු කට්ටිය.

උසස් වෘත්තිකයින්
විදේශ සේවා වෘත්තිකයින්
විපක්ශ දේශපාලකයින්
රජයේ දේශපාලකයින්
ජාත්‍යන්තර සබඳතා
පොදුවේ සැමට


මේ අයගෙ ඉතුරු ඵලාඵල විස්තර දෙවනිද. මොකද හෙට මෙහෙ නිවාඩු. මම නිවාඩු දාට බ්ලොග් නොබලන නිසා උත්තර සහ පත්තර දෙකම සමඟ නව වසරේ හමුවෙන තෙක්...

ඔබ සැමට සුභ නව වසරක්...!

13 comments:

  1. කෝ කුමාරිහාමිලට ....හී හී...

    ඔයාටත්, පවුලේ හැමටත්, කිරියෙන්, පැණියෙන් ඉතිරෙන, සිතූ පැතුම් එලෙසම ඉටුවෙන නව වසරක්....!!!!!!

    ReplyDelete
  2. සුබ අලුත් අවුරුද්දක් මචං

    ReplyDelete
  3. කියපු අනාවැකි ටිකනම් නියමයි අයියේ...

    එලබෙන නව වසර සුභම සුභ අවුරුද්දක් වේවා ඔබටත්...

    ReplyDelete
  4. හොඳ කවි ටික. අනාවැකිත් ඒ වගේමයි. ඔබට සුබ නව වසරක්

    ReplyDelete
  5. සුභ අළුත් අවුරුද්දක් වේවා...

    ReplyDelete
  6. සුභ නව වසරක් වේවා! සැප සම්පත් පිරුණු...

    ReplyDelete
  7. මං හිතන්නේ අපි කම්කරුවෝ වෙන්න ඇති..කවිටිකනම් පංකාදුයි.

    සුභ නවවසරක් වේවා..

    ReplyDelete
  8. සුබ නව වසරක් වේවා!

    ReplyDelete
  9. කුමාරිහාමි,

    ජිනී වගේ පාන්දරම ඇවිත් ඔය සුභ පතල තීන්නෙ අගේට! අපිව කූඹි කන එකක් නෑනෙ :D

    ඔයාට තීන ගෙඹි ප්‍රශ්ණ ගැන මේ බෝලෙන් මුකුත් පේන්නෙ නෑනෙ!


    --------------------------------------------------------

    රාජ්,

    එසේම වේවා මචං!

    ----------------------------------------------------------

    ඩිනේෂ්,

    අනාවැකි ඉතුරුටිකත් අහන්න එන්න.

    සුබ අළුත් වසරක්ම වේවා!

    ----------------------------------------------------------

    ඊමේල් කවිකාරි,

    එසේම වේවා නෝනෙටත් පැටවු දෙන්නටත් ඇදුරුතුමාටත්!


    --------------------------------------------------------

    නිහාල්,

    බොහොම ස්තූතියි අගය කිරීම ගැන. මේ මම මේකෙ කවියක් ලිව්වමයි. :D

    ඔබටත් සුභම සුභ නව වසරක්!


    --------------------------------------------------------

    ඔබ නුදුටු ලොවක්,

    මේ 2012 අපට නව ලොවක් පෙන්වන්නට හැකිවන සුභ නව වසරක්ම වේවා.

    ---------------------------------------------------------

    පැනි දොඩම්,

    පැණි පිරුණ නව වසක්ම වේවා ( නරකද වළව්ව පැත්තෙ ගියොත් - වේකන්සි තීනවලු :D )


    --------------------------------------------------------

    අසරණයා,

    අපි මොනා කලත් පන්තියෙන් එතන තමයි. නව වසරට ජය!

    --------------------------------------------------------

    ඔබාම,

    කෝ කවි පස(ස)ල නෑනෙ!

    ඔබීට වැඩි වැඩියෙන් ටුවර් සෙට්වෙන නව වසරක්ම වේවා කිව්ව! :D

    ReplyDelete
  10. සග, වෙද, ගොවි, ගුරැ, කම්කරැ... සෙට් එකම මතක් වුණා බොල..

    සුභ පැතුම්..

    ReplyDelete
  11. සුබ නව වසරක් වේවා... කෝ බන් අපි ගැන නෑනේ... බේබද්දන් ගැනත් ලියපන්

    ReplyDelete
  12. අනිත් උන්ගෙ පලාපල විස්තරෙත් ඉක්මනින් දාපන් මචෝ . .
    අපූරු වට පද ගලපලා ලියලා තියෙනවා . .
    බොහෝම මහන්සි වෙලා හැඩයි වැඩේට . .
    අහ් සුභ පතන්නත් බැරි උනා . .
    එහෙනම් මේ අවුරුද්ද සුභ එකක් වෙන්ට කියලා පතනවා ඈ . .

    ReplyDelete

LinkWithin

Related Posts with Thumbnails